گرمی سے تنگ لودھراں کا نوجوان گھر والوں سے کھاد اور سپرے کے پیسے لے کر مری سیر کو نکل گیا

اسلام آباد (نیوز ڈیسک) لودھراں میں ایک نوجوان نے کھاد اور سپرے لینے کے بہانے گھر والوں سے رقم لی، لیکن فصلوں کی دیکھ بھال کے بجائے اچانک غائب ہوگیا، جس پر گھر والے شدید پریشان ہو گئے۔

ابتدائی معلومات کے مطابق نوجوان نے گرمی سے تنگ آ کر زرعی کام کو خیرباد کہا اور اپنے دوستوں کے ساتھ چپکے سے مری کی سیر پر روانہ ہو گیا۔ جب طویل وقت گزرنے کے باوجود اس کی کوئی خبر نہ ملی تو اہل خانہ نے پہلے خود تلاش کیا، اور پھر پولیس کو اطلاع دی۔

پولیس کی تفتیش کے بعد انکشاف ہوا کہ نوجوان مری میں سیر و تفریح میں مصروف ہے۔ حکام کے مطابق نوجوان خیریت سے ہے اور جلد گھر واپس آ جائے گا۔ اہل خانہ نے پولیس کی مدد پر ان کا شکریہ ادا کیا، مگر ساتھ ہی نوجوان کی غیر ذمہ داری پر سخت ناراضی کا اظہار بھی کیا۔

اس پوسٹ کو شیئر کریں