غزہ پر اسرائیلی بمباری، مزید 16 فلسطینی شہید

لاہور (ویب ڈیسک) — اسرائیلی فورسز کی غزہ پر وحشیانہ بمباری کا سلسلہ جاری ہے، جہاں آج ہونے والے تازہ فضائی حملوں میں مزید 16 بے گناہ فلسطینی شہید ہو گئے۔ شہادتوں کی بڑی تعداد وسطی غزہ سے رپورٹ ہوئی ہے جہاں 12 افراد جاں بحق ہوئے۔

مقامی ذرائع کے مطابق اسرائیلی فوج رہائشی علاقوں کو مسلسل نشانہ بنا رہی ہے، جس سے جانی نقصان کے ساتھ ساتھ املاک کی تباہی میں بھی نمایاں اضافہ ہو رہا ہے۔ متاثرہ علاقوں میں بچوں اور خواتین کی بڑی تعداد بھی متاثر ہوئی ہے۔

یہ بات بھی قابل ذکر ہے کہ منگل کے روز ہونے والے حملوں میں کم از کم 38 فلسطینی شہید ہوئے تھے، اور صورتحال مسلسل بگڑتی جا رہی ہے۔ غزہ کی پٹی اس وقت مکمل انسانی بحران کا شکار ہے، جب کہ عالمی برادری کی خاموشی سوالیہ نشان بنی ہوئی ہے۔

اس پوسٹ کو شیئر کریں